04 Prill 2025 – Në kuadër të projektit
ValueNet, Shoqata
"Për një Zhvillim të Qëndrueshëm Rural" (FSRD), me mbështetje nga
GIZ Albania dhe financim nga
Ambasada Britanike, zhvilloi një takim pune me fermerët e
fshatrave
Bllacë dhe
Kërçisht. Takimi kishte për
qëllim
mbështetje në kultivimin e perimeve, me një theks të veçantë tek
patatja
si një produkt i rëndësishëm për zhvillimin ekonomik të zonës.
Përgatitja për Sezonin Pranveror
Takimi u fokusua në aspektet teknike të kultivimit të patates, ku
ekspertët e FSRD ofruan
këshilla të rëndësishme për përgatitjen
e materialit mbjellës dhe parcelave. U diskutuan tema të ndryshme
si:
-
Bulëzimi i tuberëve – teknika të rëndësishme për rritjen e
rendimentit të patates.
-
Skemat e plehërimit – u theksua rëndësia e plehërimit bazë
për një kultivim të suksesshëm.
-
Distancat optimale të mbjelljes – faktorë kyç për rritjen e
shëndetshme të patates.
Po ashtu, u dha informacion i detajuar mbi gjendjen e parqeve të
bletëve në zonë, pas këshillave dhe trajtimeve të ofruara nga eksperti
i bletarisë.
Mbështetje dhe Monitorim nga GIZ Albania
Takimi u ndoq nga përfaqësues të
GIZ Albania, të cilët dhanë
mbështetje të drejtpërdrejtë dhe monitoruan përgatitjet e fermerëve
për sezonin pranveror. Ky mbështetje është pjesë e angazhimit të
përhershëm të
GIZ për zhvillimin e qëndrueshëm të bujqësisë dhe
forcimin e kapaciteteve të komunitetit rural.
Vlerësimi i Prodhimit të Jufkave në Kërçisht
Në fshatin
Kërçisht, u zhvillua një proces monitorimi dhe
vlerësimi të prodhimit të
jufkave, si pjesë e zhvillimit të
zinxhirit të vlerës në zonat rurale. Ky aktivitet ka për qëllim
rritjen e kapaciteteve prodhuese dhe promovimin e produkteve
tradicionale, duke kontribuar në zhvillimin ekonomik të zonës dhe
përmirësimin e kushteve të jetesës për fermerët lokalë.
Angazhimi për Zhvillim të Qëndrueshëm Rural
Këto takime janë një hap tjetër në angazhimin për fuqizimin e
komunitetit dhe zhvillimin e kapaciteteve nëpërmjet bashkëpunimit të
ngushtë në terren. FSRD vazhdon të jetë një partner i rëndësishëm për
fermerët dhe zhvillimin rural, duke kontribuar në përmirësimin e
kushteve dhe mundësive për bujqësinë dhe sektorët e tjerë të
rëndësishëm në zonat rurale.
Për më shumë informacion rreth projektit dhe aktiviteteve të FSRD,
mund të ndiqni faqen tonë në rrjetet sociale.